Поминаа четири дена од страшниот напад во Лондон, а медиумите откриваат се повеќе детали од животот на напаѓачот. Калид Масуд (52) почина откако полицијата го застрела.
Калид бил многу далеку од стереотипен терорист. Полициските служби сега истражуваат што го натерало овој семеен човек, татко и учител да направи таков страшен чин.
Дури и неколку часа пред нападот, соседите тврдат дека го виделе и дека бил насмеан и пристоен.
Калид израснал во Кент, а школските пријатели на него се сеќаваат како на интелигентно, дружељубиво момче кое сакало да игра фудбал, а религијата никогаш не го интересирала.
Мајка му Џанет го родила кога имала само 17 години. Биолошкиот татко никогаш не го запознал. Мажот на мајка му, Филип Ајаоа, за кој се омажила кога Калид имал само две години, го сметал за негов вистински татко.
„Не беше воопшто религиозен. Имаше силен карактер. Беше дружељубив и духовит. Мислам дека беше единствен црнец во школо и дека некогаш се соочуваше се расизам, но не во голема мера“, изјавил негов пријател од детството.
„Тој имаше глас како Марвин Геј. Беше одличен пејач. Често се дружевме во неговата куќа“, рече негов друг другар.
Се тргнало удолу по средното училиште
Масуд завршил со идиличниот живот веднаш по средното училиште. Западнал во лошо друштво и почнал да се дрогира.
„Како што растеше, се повеќе се оддалечуваше од старото друштво. Го изгуби својот пат. Почна да се дрогира и да продава дрога. На некои луѓе им должеше пари“, изјави негов пријател.
На 19 години прв пат завршил на суд. Во следните години направил бројни прекршоци, вклучувајќи и илегално поседување на оружје, напади и други кривични дела…Два пати завршил зад решетки. Променил неколку работни места, а најдолго останала како продавач.
Калид во 1991 година ја запознал долгогодишната партнерка Џејн Харви (48), успешна деловна жена. Се преселиле во вила од 700.000 фунти во Нортиам. Добиле две ќерки. Кога постарата имала осум години, Масуд се степал во клуб и исекол со нож еден маж, по што е осуден на две години затвор, а како мотив го навел расизмот.
Ја наговорил ќерка му да премине во ислам
„Откако излезе од затвор стана религиозен и се посвети на ислам. Не сакаше да има ништо со претходниот живот. Ја остави Џејн и двете ќерки и се пресели во некога дупка во Истбурн. Можеби запозна некоја друга“, велат соседите.
Во 2004 година повторно се оженил со 25 годишната Фарзана Малин во Кент, но тој брак не траел долго. Потоа ја запознал Рони Хајдар и се преселил во Лутон, а потоа во Лондон.
Неговата ќерка Енди ја удрил автомобил кога трчала по школски автобус и за малку ќе ја усмртел. Поради несреќата таа останала неподвижна. Другата ќерка ја наговорил да го промени името, да облече бурка и да премине во ислам. Се согласила и одлучила да живее со него, а помладата одбила.
Масуд себе си се опишал како дружељубив и прилагодлив Британец кој има диплома од економија. Тврдел дека се школувал во Саудиска Арабија пред да ја отвори неговата фирма во Бирминген. Британските власти тврдат дека немал никакви квалификации и дека никогаш не предавал во ниедно училиште во Англија.
Полицијата никогаш не го имала на радарот поради сомневање за тероризам.