Browsing: УЕФА

Мечевите ќе се играат во репрезентативни термини, официјално би почнале во 2019 година и со неа ќе бидат опфатени репрезентации од сите континенти врз основа на позициите на ранг листата. Натпреварувањето ќе трае во тек на целата година пришто националните тимови ќе бидат поделени во три дивизии.

Македонскиот фудбалски вицешампион по повеќе од двочасовен чартер лет од скопскиот аеродром „Александар Велики“ се спушти на „Малпенса“ и со нетрпение ќе одбројува до претстојниот настап на „Сан Сиро“ против италијанскиот и европски гигант Милан во плеј-офот за Лига Европа (ЛЕ)

Двете македонски ора во изведба на членови на културно-уметнички друштва завршија во 228 држави и региони на земјината топка до колку што допираше ТВ сигнал од „Телеком арена“ во Скопје. По нив, свои „пет минути“ добија и 19 дечиња со оштетен слух од училиштето „Партение Зографски“ кои на знаковен јазик ја изведоа нумерата „Sky full of stars“ (Небо полно со ѕвезди) од Колдплеј

„Кралскиот“ клуб подобар од Манчестер јунајтед на „Телеком арена“ со 2:1 за одбрана на тронтот што го запоседна лани по триумфот над Севилја во Трондхајм. Касемиро и Иско стрелци за тимот на Зинедин Зодан, Лукаку за „црвените ѓаволи“ кои остануваат на единствениот освоен пехар засега во 1991 година против белградска Црвена звезда. Иско прогласен за играч на натпреварот во Скопје

Дуелот меѓу шпанскиот и англискиот великан на „Телеком арена“ во Скопје е со почеток во 20,45 часот. „Кралевите“ во обид да ја одбранат ланската титула што ја освоија во Трондхајм против Севилја за вкупно четврта во Суперкуп натпреварите, „црвените ѓаволи“, пак, ќе атакуваат на втора по единствената засега против Црвена звезда од 1991 година. Правдата доверена на италијанскиот судија Џанлука Роки.

Идејата за натпревар од ваков тип како вечерашниот на „Телеком арена“ датира од 1971 година зад која стои новинарот и уредник во холандскиот весник „Де Телеграф“ и се појави во време во кое холандскиот тотален фудбал на клупски план (особено Ајакс) и на репрезентативен под водство на легендарниот Јохан Кројф земаше замав во Европа. Победникот покрај трофеј тежок 12,2 килограма и висок 58 сантиметри ќе добие и парична награда од 3,2 милиони евра, за поразената екипа се предвидени 2,2 милиона евра

Улица „Македонија“, вообичаено главна артерија во централното градско подрачје за променада, и истоимениот централен плоштад се преплавени со луѓе почнувајќи од хотелот „Бристол“, па таму некаде до „Даут Пашин Амам“. Ги има од сите возрасни категории, но, се чини, во атмосферата што е налик на карневалска најмногу уживаат и најсилно бијат детските срца

Казната за шкотскиот гигант е последица на кореографија на дел од неговите навивачи за време на мечот со Линфилд од Северна Ирска во квалификациите за Лигата на шампиони

Брондби ги елиминира чаирчани за Лигата на шампиони (сезона 1999/00), Митјиланд го доби двомечот со прилепчани за УЕФА купот (сезона 2002/03), а Оденсе беше подобар од Работнички за Лига Европа (сезона 2009/10)

Нова ТВ дојде до ексклузивни информации од МВР за улогата на формираното координативно тело и содржината на обемниот оперативен план со безбедносни мерки и активности

Роки е интернационален судија од 2008 година и досега бил главен судија на 72 меча под капа на УЕФА. Во сезоната 2008/09 му судеше на Пелистер против АПОЕЛ во првото квалификациско коло за Лига Европа

Одобрено е барањето на македонскиот шампион да биде домаќин на данскиот на „Телеком арена“, но истото беше условено со промена на редоследот на мечевите поради европскиот Суперкуп. Па, наместо во гости, „црвено-црните“ во првиот меч ќе бидат домаќини во вторник (20 ч.), реваншот е во ист термин на 2 август на „Паркен“ стадионот. Истовремено клубот е предаден на дисциплинска по пет основи што како организациски пропусти беа нотирани во извештајот на делегатот во натпреварот со Малме