Published: Tuesday, August 15, 2017 19:22
Шкендија од попладнево е во една од светските модни престолнини, Милано. Македонскиот фудбалски вицешампион по повеќе од двочасовен чартер лет од скопскиот аеродром „Александар Велики“ се спушти на „Малпенса“ и со нетрпение ќе одбројува до претстојниот настап на „Сан Сиро“ против италијанскиот и европски гигант Милан во плеј-офот за Лига Европа (ЛЕ).
За утревечер е предвиден и официјалниот тренинг на тетовци пред натпреварот во четврток (20,45 ч.) со тимот предводен од Винченцо Монтела кој во новата сезона ќе влезе со големи амбиции во Серија А.
Шкендија до двомечот за уживање со „росонерите“ ги елиминира молдавска Дачија од Кишињев во првото квалификациско коло за ЛЕ, фински Хелсинки во второто и Тракаи од Литванија во третата рунда.