Published: Sunday, August 15, 2021 19:47
Тројца дипломати за Ројтерс изјавиле дека Али Ахмад Јахали, универзитетски професор во САД и поранешен министер за внатрешни работи на Авганистан,, веројатно ќе биде на чело на приврементата влада во Кабул.
Талибанците денеска влегоа во авганистанската престолнина, Кабул, и официјално останаа единствена воена и политичка власт со потполна контрола над главниот град на државата, откако претседателот Ашраф Гани го напушти Кабул и отпатува за Таџикистан.
Откако беше објавено дека Гани стигнал во Таџикистан, талибанските борци набргу потоа влегоа во центарот на Кабул. Високи претставници на авганистанското МВР за Ројтерс изјавиле дека талибанците пристигнуваат од сите страни, но засега нема извештаи за борби.
Претставник на талибанците денеска нагласи дека наскоро од претседателската палата во Кабул ќе објават создавање Исламски Емират на Авганистан, јавија американски медиуми.
Тоа беше името на државата под талибанска власт од 1996 до 2001 година.
Портпаролот на талибанците Забихулах Мујахаид потврди дека влегле во Кабул со цел да го спречат уништувањето на градот кое настанало по заминувањето на претседателот.
Тројца дипломати за Ројтерс изјавиле дека Али Ахмад Јахали, универзитетски професор во САД и поранешен министер за внатрешни работи на Авганистан,, веројатно ќе биде на чело на приврементата влада во Кабул.
Лидерот на политичкото крило на талибаните, Мула Абдул Гани Барадар, патува од Доха во Кабул, истакна талибански извор во Доха за Ројтерс.
Претседателската палата на твитер објави дека се слуша пукање на повеќе точки околу Кабул, но дека безбедносните сили во координација со меѓународните партнери го контролираат градот.
Најголем дел од улиците во главниот град се блокирани од автомобили кои брзаат да стигнат до своите домови или до аеродромот. Многумина исто така ги оставиле автомобилите и пешки тргнале кон аеродромот.
Многу Авганистанци во последниве денови ја напуштија државата поради страв од враќањето на радикалното исламистичко владеење.
