Тед Круз, главниот ривал на Доналд Трамп се повлече од трката за кандидат за претседател на САД откако вчера милијардерот ги освои првичните избори на Републиканците во Индијана.
Трамп води со 53,1% од гласовите а Круз доби 36,6% во Индијана. Третиот кандидат во трката, Џон Кесич, кој одамна ги изгуби надежите освои околу 100 делегати само.
Со ова Трамп на своја страна ги има сите републикански делегати од Индијана за националната конвенција на партијата во јули.
Досега милијардерот обезбеди 1047 делегати од потребните 1237 за претседателската номинација од Републиканската партија.
Претседателот на Националниот комитет на Републиканската партија Раинс Прибс изјави дека по елиминацијата на Круз веќе Трамп е најверојатната номинација на партијата за претседателски кандидат на САД.
Во Демократската партија првичните избори во Индијана изненадувачки ги освои Берни Сандерс. Според првичните податоци, тој добил 53% од гласовите наспроти 47% за Хилари Клинтон.