Шпанецот Рафаел Надал го освои АТП турнирот во Монте Карло и стана првиот тенисер во историјата со двоцифрен број на освоени трофеи на еден Мастерс во Опен ерата. До новата, десетта, титула во Кнежевството тој стигна за само 73 минути во кои му препушти само четири гема на сонародникот Алберт Рамос Винолас за кого ова беше прво финале во серија 1.000.
За Надал ова е 70. турнирска победа во кариерата, прва во 2017 година по трите порази во финалните мечеви од кои двапати загуби од Роџер Федерер (Австралија опен и во Мајами). Наредната недела ќе брка десетта титула и во Барселона, а по неа и на Ролан Гарос, гренслем што исто така го освојуваше девет пати во минатото.
Единствениот пораз за титулата во Монте Карло го доживеа во 2013 година од Новак Ѓоковиќ.
АТП Мастерс/Монте Карло – Серија 1.000 – награден фонд 4,273.775 милиони евра
Финале: Надал (Шпанија) – Винолас (Шпанија) 6:1, 6:3