На обвинителна клупа денеска во Кривичниот суд седнаа екс премиерот Никола Груевски и поранешната министерка Гордана Јанкулоска за набавката на мерцедесот од 600.000 евра во случајот „Тенк“ на СЈО.
На почетокот на рочиштето адвокатите ги побара прислушуваните разговори од бомбите во аудио форма, бидејќи како што рекоа досега не ги добиле.
Се работи за едно цд со 8 разговори од кои 4 веќе биле објавени во јавност, што според нив не можaт да се користат како доказ.
Исто така побараа СЈО да ја докаже својата надлежност, бидејќи според нив тоа досега не го докажале.
Обвинителот од СЈО, Стевче Донев истакна дека Апелација веќе се произнела дека снимките треба да се користат како доказ. Тој посочи дека ова е уште еден обид за одложување, а Груевски дофрли: „Тогаш дајте ни ги снимките“.
Обвинителката Ленче Ристоска рече дека апсурно би било да се забранат како докази веќе објавени снимки, бидејќи ќе се доведат во контрадикторна ситација.
-Зарем треба да ги занемариме сите информаци кои доаѓаат од разни извори, кои ќе ни помогнат да дојдеме до вистината, истакна обвинителката Ристовска.
Адвокатот Боро Тасевски истакна дека без да ги добијат разговорите во аудио форма за да можат со технички лица да утврдат дали гласовите се на обвинетите, но и како што рече дали некаде се прекинувани разговорите, па продолжувани.
Тие потсетија дека обвинението за „Тенк“ судовите го прифатија во целост, а бомбите,обвинетите и одбраната, ако сакаат, може да дојдат во СЈО и денеска да ги слушаат и да направат препис. Исто така потсетија и дека бомбите со одлука на Скопска апелација, ќе важат како докази и во оваа постапка.
Адвокатот на Груевски, Димитар Дангов, рече дека бомбите биле во правниот поредок, бидејќи врз основа на нив било формирано СЈО, но тоа не значело дека треба да се користат во доказната постапка.
–Не се ова ПИ мерки. Прислушуваните разговори не уживаат таква заштита. Не е утврдена автентичноста, дали гласовите се на обвинетите, дали снимките се целосни, дали не е скратен крајот на некои разговори, кога вообичаено, ние со еден збор го поништуваме целиот разговор, договор. Не сме ние виновни што политиката го донесе овој закон за СЈО, рече адвокатот на Груевски.