Денешното рочиште за предметот „Титаник 2“ во кој за изборни нерегуларности обвинети се поранешниот директор на УБК Сашо Мијалков и Мендух Тачи е одложено.

Како што објави ТВ 21, причината е тоа што Мендух Тачи побарал да оди на прослава на албанското знаме во Тирана.

Ова требаше да биде првото појавување во јавноста на поранешниот шеф УБК, Сашо Мијалков откако е приведен.

Минатата недела Мијалков не беше спроведен на рочиштето за „Таргет- Тврдина“ (за кое и му е одреден притворот) со образложение дека судот немал доволно време да испрати наредба за спровод на обвинетиот до Истражниот затвор во Шутка.

Мијалков од 20 овој месец се наоѓа во притвор во Истражниот затвор во Шутка на барање на СЈО кое тврди дека тој имал намера да избега.