Published: Thursday, August 16, 2018 15:50
Во Кривичниот суд почнаа да се преслушуваат „бомбите“ за предметот „Титаник“ на Специјалното јавно обвинителство.
Во една од „бомбите“ се слуша како разговараат поранешниот министер за транспорт и врски Миле Јанакиески и Мартин Протуѓер, шеф на Кабинетот на поранешниот премиер за гласачите во Америка.
Претходно, Судечкиот совет го прифати барањето на Специјалното јавно обвинителство јавноста да биде исклучена кога ќе се слушаат седум од 1.063 „бомби“ поради приватни разговори.
Одбраната пак бараше „бомбите“ воопшто да не бидат пуштени и ги оспори како валиден доказ.