Поранешниот премиер на Велика Британија, Тони Блер пробува да го повлече Брегзит, сметајќи дека гласачите заслужуваат нов референдум.
Во интервју за Би-Би-Си Радио 4, Блер вели она што сега се случувало со Јавното здравство во моментов, било „национална трагедија“ и дека сега станало јасно дека гласот ЗА Брегзит, кој требал да донесе и поголем буџет во здравството, сега е неостварливо ветување.
„Кога фактите се менуваат, мислам дека луѓето имаат право да го променат своето мислење“. изјави Блер кој секогаш бил против Брегзит.
Одговарајќи на прашањето дали пробува да го повлече Брегзит, Блер вели токму тоа се обидувал да го направи.
„Верувам дека, на крајот, кога земјата го гледа изборот, ќе сфати дека или ќе се случи нешто што ќе и наштети на државата, или со напуштањето на ЕУ, а со тоа и на единствениот пазар, ќе се обидеме преку различни средства да дојдеме до нов бенефит, и мислам дека луѓето би си рекле „Тогаш што е поентата од сето ова“, вели поранешниот премиер.
Тој длабоко верува дека кога се менуваат условите, може да се сменат и мислењата на луѓето.
Тони Блер смета дека има луѓе во политиката кои никогаш нема да го променат мислењето околу Брегзит.
„Има луѓе кои веруваат дека членството во ЕУ е неконзистентно со националниот суверенитет. Не се согласуам, но тие во тоа веруваат многу, многу силно и ништо нема да им го промени мислењето“, рече тој.
Воедно тој ги отфрли сите шпекулации дека ќе формира нова политичка опција во Обединетото Кралство, бидејќи како поранешен лидер на Лабуристите, сака партијата да застане цврсто и повторно да биде популарна.