Published: Saturday, June 26, 2021 13:37
Пет мртви и околу 200 повредени како и голема материјална штета, е епилогот од опасното торнадо што го зафати југот на Чешка. Торнадото поминало растојание од 26 километри и опфатило ширина од 500 метри. Нема објаснување на што се должи појавата на бури во централна Европа , но факт е дека една од нив го формирала ова торнадо.
„ Се поклопија сите динамични атмосферски услови , кои се потребни за формирање на толку разорувачко торнадо- силна нестабилност на атмосферата, промена на правецот на ветерот по висина, исклучително висока енергија и механизам кој таа енергија можекл да ја исјкористи. Дојде до настанок на „супер келија“, објснуваат стручњаците од оваа област и зошто во период од 10 години можат да се случат едно до две силни торнада.
Временската нестабилност била прогнозирана во Чешка, но и торнадото како и земјотресот не може да се предвиди, посебно локацијата каде би удрило, информираат експертите.
Ова е најсилното торнадо што се случило во историјата на Чешка и на Европа последните 20 години. Најсилното торнадо сепак, на Европскиот континент се случило во Русија 1984 година убивајќи 90 луѓе.
Торнадата се мерат според т.н. Фуистова скала од Ф0 до Ф5. Ова торнадо во Чешка било на горната граница на Ф3. Брзината на ветерот изнесувала 219 км/час, а не се исклучува можноста тој да бил и посилен. Имаше информации дека во еден момент ветерот дувал со брзина од 312 км/час.