https://www.youtube.com/watch?v=BBBYktQAiqw
Бројот на загинатите во уривањето на надвозникот кај Џенова се искачи на 35, мешу кои има и три деца, а 16 луѓе се во тешка состојба. Десетина се водат за исчезнати. Во Лигурија денеска ќе биде прогласена вонредна состојба.
Според официјалните претставици, во моментот на уривањето, на мостото се наоѓале 30 до 35 возила. Дел од нив се уште се наоѓаат под урнатините.
Исто така во уривањето настрадале и неколку куѓи, а евакуирани се околу 440 жители од околните згради во непосредна близина на мостот. Двајца од повредените се жители на овие згради.
Италијанските медиуми пренесувајќи ги изјавите на официјалните лице објавија дека бројот на жртви најверојатно ќе расте. Досега се извлечени 4 живи.
Според првичните извештаи, несреќата се случила поради уривање на конструкцијата на надвозникот што е дел од автопатот А10 што поминува низ Џенова. Министерството з атранспорт објави дека ќе го урне и другиот дел од мостот.
-Ваков мост не се урива ни од невреме, ни од молњи, мора да ги пронајдеме виновниците, изјави заменик министерот за сообраќај Едоардо Рикси.
Министерот за сообраќај Данило Тонинели изјави дека се случила огромна трагедија.
Голем број очевидци изјавија дека непосредно пред несреќата што се случила околу 11.30 часот по локално време, во мостот удрил гром. Тие сведочеа дека уривањето изгледало како апокалиптична сцена.
Италијанската телевизија прикажа снимки од урнатиот мост висок околу 100 метри кој е изграден во 1967 година на автопатот кој поминува над трговски центри, фабрики, згради и пругата Џенова-Милано. Реконструкција е направена о 2016, а пред неколку месеци се започнати нови поправки.
Во истрагата ќе се вклучи и обвинителството.