Администрацијата на Доналд Трамп ја повлекува Америка од планот на Обединетите Нации за креирање на глобална стратегија за миграција, сметајќи дека учеството во процесот е спротивно со американскиот суверенитет и планот не соодвестува со политиката на САД за миграции.

Амбасадорката на САД, Ники Хејли го информирала генералниот секретар на ОН, Антонио Гутереш дека Трамп не сака државата да учествува во глобалниот договор.

Во 2016 година, 193 членки на Генералното Собрание на ОН, ја прифатија необврзувачката политичка декларација, Њујоршката декларација за бегалци и мигранти, односно за нивна помош пти сместување и интеграција. Оваа иницијатива тогаш наиде на голема поддршка од претседателот Барак Обама.

Целта на договорот е безбедна и регуларна миграција следната година.

Шефот на оваа мисија, Луис Арбор на овој договор гледа како шанса да се промени мислењето на политичките сили за потребата да се адресира проблемот со миграцијата, на истиот начин како што тоа се направи со климатските промени.

Според бројките на ОН, околу 60 милиони луѓе се дислоцирани низ светот.

„Декларацијата содржи многу членови кои не кореспондираат со миграциската политика и со политиката за бегалци на САД“, соопшти мисијата на САД во ОН.

САД под дирекција на Трамп, веќе се повлече од договорот за климатските промени и УНЕСКО.