Републиканскиот претседателски кандидат Доналд Трамп по средбата со претседателот на Мексико Енрике Пења Нието, потенцираше дека сите нелегални мигранти ќе бидат дпортирани од САД, и ја повтори намерата дека ќе изгради ѕид меѓу САД и Мексико.
Во својот говор во Феникс пак, Трамп најави план за воведување иделошки сертификат за мигрантите и укинување на издавањето визи на места каде што не може да се изврши контрола на луѓето.
Дополни и дека секоја имиграција од земјите како Сирија и Либија ќе биде забранета во САД.
На претседателот на Мексико му порачал дека “убавиот ѕид на јужната граница“ ќе мора да го плати тој.
Нието пак, огласувајќи се на Твитер, порача дека неговата земја никогаш нема да плати за таков ѕид.
„Исто како што се случи со претседателот и пријател Барак Обама, следниот претседател на САД ќе најде во Мексико и неговата влада соседи подготвени да работат конструктивно на натамошно зајакнување на односите меѓу нашите земји за заедно се соочиме со нашите заеднички предизвици“, му порача Пења Нието на Трамп.
Оваа негова посета беше критикувана од страна на противкандидатката Хилари Клинтон.