Претседателот на САД Доналд Трамп ја донесе својата прва одлука која се однесува на државите од Западен Балкан, а во којашто најголем простор е даден на Македонија во однос на заканите по стабилноста кои што новата администрацијата веќе и на највисоко ниво ги смета за закани против интересите на САД.
Имено, претседателот Трамп потпиша продолжување од уште една година на санкциите кои се однесуваат на земјите од Западен Балкан, а којашто извршна одлука прв пат беше донесена од претседателот Џорџ Буш пред 16 години, соопшти Белата куќа.
Одлуката ја опфаќа и објавата на таканаречената црна листа на лица и организации кои се под санкции на САД пoради тоа што претставуваат „закана за националната безбедност и надворешната политика на САД со тоа што поддржуваат, асистираат или спонозираат екстремно насилство во земјите во Република Македонија и било каде во државите на Западен Балкан, или, пак, ја обструираат имплементацијата на Дејтонскиот Договор во Босна и Херцеговина“, пишува Белата куќа.
„Дополнително, оваа одредба доживеа и амандман во мај 2003 година за да се преземат дополнителни напор со цел спречување на обструкциите на имплементацијата на Охридскиот Рамковен Договор во Македонија од 2001. Чиновите на екстремно насилство и попречување на активностите кои се сметаат за непријателски кон интересите на САД и продолжуваат да претставуваат необична и исклучителна закана за националната безбедност на САД и интересите во надворешната политика. Од овие причини, одлучив дека е неопходно продолжување на оваа одредба, напиша Трамп во одлуката.