Глобалните финансиски пазари паѓаат откако државите сојузници на САД почнаа да свикуваат итни средби на нивните финансиски и безбедносни агенции со цел да се процени влијанието по изборот на кандидатот на републиканците, Доналд Трамп, за претседател на САД.
Изборот на 45-тиот претседател на САД го потресе политичкиот естаблишмент на Вашингтон, а реакциите со истата брзина се прелеаја и во странство, а нивните политички сојузници како и нивните непријатели, се со испомешани чуства во обидите да разберат како магнатот за недвижности и политички аутсајдер ја изведе изненадувачката победа и како таа победа ќе ги промени врските со најмоќната држава во светот.
Јужна Кореја го свика Националниот совет за безбедност, паѓаа финансиските пазари во Јапонија, Франција, Велика Британија, а американскиот долар ослабе против голем број на валути. Британската фунта, пак, не ја подобри својата позиција, што според аналитичарот Алекс Едвардс „е доказ дека на фунтата повеќе не е онаа валута која претставуваше безбедно прибежиште на финансисктие пазари при вакви потреси, благодарние на Брегзит“.
Џереми Кук, аналитичар и брокер од Лондон, за „Гардијан“ вели дека претседателството на Трамп е со далеку поголеми последици по светската економија од она што го предизвика гласот на Британија за излез од ЕУ.
„Големата непознаница е економската политика која тој ќе ја води, а која во кампањата ја базиарше на трговска војна со Мексико, нивниот трет најголем трговски партнер и Кина, нивниот најголем трговски партнер. Брегзит беше во врска со британската нестабилност, Трамп ја носи глобалната нестабилност“, вели Кук.
Според аналитичарите на глобалните финансиски пазари, застрашувачки е дека само неколку месеци по Брегзит, на светот му се случи и Трамп сместен во Белата куќа.
Уште еднаш гледаме дека мачката се смести помеѓу гулабите. Патот на Клинтон до Белата куќа се чинеше толку сигурен пред само неколку часа, а сега се разбудивме во ќор-сокак. Оваа, 2016 година беше година на вознемирувања, но ниедно од тие вознемирувања не е толку страшно и големо како победата на Трамп, вели Крис Бауцхамп, постар финансиски аналитичар од Лондон.