Претседателот на САД, Доналд Трам денеска предупреди дека нуклеарната криза во Северна Кореја е далеку од завршена.
Пораката на Трамп доаѓа еден ден откако Пјонгјанг објави дека ќе ги прекине нуклеарните и ракетните тестирања.
– Ние сме далеку од крајот на севернокорејската криза, можеби работите ќе функционираат, но можеби и не, тоа само времето ќе го покаже, напиша американскиот претседател на Твитер.
Претседателот на САД додаде дека она што тој го прави сега „одамна требало да биде направено”.
Според предвиденото, севернокорејскиот лидер Ким Џонг-ун ќе се сретне со Трамп најверојатно во мај или јуни.
Северна Кореја вчера соопшти дека ги прекинала тестовите на балистичките ракети со долг домет и планира да ги затвори полигоните за тестирање на нуклеарни бомби.
Ваквиот потег на Пјонгјанг, како што беше соопштено, е со цел одржување на „националниот фокус” и подобрување на економијата.
Одлуката на Северна Кореја беше поздравена од Европската Унија, САД, Кина, Германија, кои ја оценија како позитивен чекор.