Пентагон доби буџет од 700 милијарди долари и ова е најголемиот буџет досега.
Американскиот буџет, кој го потпиша американскиот претседател Доналд Трамп, предвидува голем пораст на воените трошоци. Според Асошиетед прес, Пентагон во буџетската 2018 година ќе има на располагање 94 милијарди долари повеќе во однос на претходната година, што е скок од 15,5 отсто.
Ова е најголемото зголемување во однос на претходната година уште од 2003 година, кога буџетот на Пентагон се зголеми за 26,6 отсто за време на војната во Авганистан, инвазијата врз Ирак и проширувањето на системот на национална одбрана по нападите на 11 септември 2001 година.
Од 700 милијарди долари наменети за одбрана во 2018 година, околу 629 милијарди долари се наменети за основните активности на Пентагон, додека 71 милијарда се предвидени за војните во Авганистан и во други делови на светот.
Благодарение на новиот буџет, американската војска ќе може да плати илјадници дополнителни војници, повеќе обуки и бродови и многу други работи.
Буџетот на американското министерство за одбрана за 2019 година ќе изнесува 716 милијарди долари, што ќе ја обезбеди финансиската стабилност што ја бараше американскиот секретар за одбрана
Според него, тоа ќе биде доволно за да се подобри подготвеноста на армијата во време на обновен фокус на конфликтот во Авганистан и на заканата од војна на Корејскиот Полуостров.