Пензиите и во иднина ќе продолжат да се исплаќаат предвремено, на крајот на месецот, изјави министерката за труд и социјална политика, Јованка Тренчевска која денеска се сретна со претставници на Македонската банкарска асоцијација-Скопје.
На почетокот на пандемијата предизвикана од Ковид 19, со цел спречување на ширење на вирусот, со Заклучок на Владата на РСМ, беше однесена одлука, за предвремена и етапна исплата на пензиите, на крајот на месецот, за пензии кои се однесуваат на тековниот месец.
На средбата се потврди добро воспоставената соработка, со заклучок дека таа ќе продолжи и понатаму.
За Министерството за труд и социјална политика, грижата за пензионерите е приоритет. Потврда за тоа е воспоставувањето на новата методологија за усогласување на пензиите на долг рок, со која пензиите ќе растат во континуитет, како и финансиската помош од 3000 денари за три месеци. Тоа значи и подигнување на животниот стандард на нашите највозрасни граѓани во државата.