Клаудио Раниери е нов менаџер на Фулам. Премиерлигашот од „Кревен Котиџ“ на својата официјална интернет страница го потврди наследникот на Славиша Јокановиќ кој доби отказ по слабите резултати во сезоната.

Основна цел за италијанскиот стручњак ќе биде опстанокот во Премиерлигата. По 12 одиграни кола, Фулам е последен на табелата со само пет бода и биланс од една победа, два нерешени меча и дури девет порази.

Лестер, под водство на Раниери, стана сензационален шампион во Англија во 2016 година. Минатата сезона беше на кормилото на Нант.