Украинската војска тврди дека го контролира својот воздушен простор.
Три ракети погодиле станбена област во близина на пристанишниот град Одеса во јужна Украина, изјави локалниот гувернер Максим Марченко во видео објавено на интернет.
Тој изјави и дека има жртви.
„Непријателот изврши напад со три ракети врзедна населба“, изјави Марченко, но не даде проценка за бројот на жртвите.
Вкупно 6.266 лица во текот на вчерашниот ден се евакуирани од украинските градови преку хуманитарни коридори, соопшти Кирил Тимошенко, заменик шеф на кабинетот на претседателот на Украина.
Тој во соопштение објавено на интернет наведе дека 3.071 лице го напуштиле опколениот град Мариупол.
Во, меѓувреме, Украинската војска објави дека и натаму го контролира својот воздушен простор.
Командантот на воздухопловните сили, Микола Олешчук, посочи дека руските сили се помалку напаѓаат со авиони, а се повеќе со проектили од далечина.
Тој побара од западните сојузници дополнително оружје за Украина, вклучувајќи борбени авиони и противракетни системи.
Нови сателитски снимки, пак покажуваат дека руските сили се повлекле од аеродромот Антонов, кој се наоѓа на 28 километри северозападно од Киев.
Заземањето на аеродромот Антонов беше првата голема победа што Русите ја забележаа на првиот ден од војната – 24 февруари. Бројни транспортни и јуришни хеликоптери ја нападнале базата, во која имало и украински војници,..