Првообвинетиот во предметот „Труст“ Сеад Кочан денеска во завршните зборови рече дека, покрај сувото гори и суровото, посочувајќи дека не се чувствува виновен.
– Не се чувствувам виновен затоа што не сум имал никаква умисла да прекршам било кој закон, рече Кочан.
Единствена цел ми беше да бидам конкурентен на пазарот и да обезбедам работа за моите вработени и нивните семејства, рече Кочан пред судот.
И обвинетиот Василије Авировиќ во завршните зборови рече дека не се чувствува виновен за делото за кое се товари.
-Таквото неосновано обвинение дополнително ја загрози мојата здравствена состојба, која уште од раното детство ми е многу кревка, рече Авировиќ.
И Кочан и Авировиќ пред судот рекоа дека се приклучуваат кон завршните зборови на одбраната.
На вчерашното рочиште, што траеше речиси шест часа, завршни зборови даде одбраната на обвинетите, кои од Судот побараа ослободителни пресуди оти, како што наведоа, ниту „Трансмет“, ниту „Силекс“, ниту пак „Вато“ не ја повредиле постапката за јавна набавка.
Во предметот „Труст“ првоосомничен е бизнисменот Сеад Кочан и уште две физички и три правни лица, меѓу кои и управителите на фирмите „Трансмет“, „Силекс“ и „Вато“ ДООЕЛ, за учество на тендер на Електрани на Македонија.
Според обвинението, осомничените со фалсификувани документи местеле тендери во ЕЛЕМ во вредност од 17 милиони евра.