„Образовниот систеТВ м е подготвен за три сценарија – целосно физичко присуство, целосно онлајн и хибридно. Овие идеи се предложени и сте засегнати страни се известени. Владата во моментот има одлука да се започне со физичко присуство согласно нашите, но и искуствата на развиените земји“, истакна министерката за образование, Мила Царовска во емисијата „Жешко политичко лето“ на ТВ Канал 5.
Нашите искуства кажуваат дека со 40 отсто од учениците во училница, минатата година немаше интерна трансмисија во училиштата. Целосно се почитуваа мерките и протоколите и институциите потврдија дека немаше ниту еден случај на интерна трансмисија, кажа Царовска.
Таа додаде дека и препораките на УНИЦЕФ и ОЕЦД се училиштата прво да се отворат, а последни да се затворат, за да може образовниот процес да тече непречено.
Иако во нашата земја нема задолжителна вакцинација, нашите апели стигнаа до наставниците. Во образовниот систем вакцинирани се 69%, што е два пати повеќе од националниот просек. Тоа укажува на високата свесност на наставниците и очекуваме оваа бројка за брзо да порасне над 80 отсто, кажа Царовска.
Таа додаде дека очекува наставниците, вработените во училиштата, директорите и учениците да бидат на истото на ниво и да ги почитуваат мерките со цел заштита на здравјето.