Почнувајќи од денеска, сите неофицијални пунктови на кои се собираше хуманитарна помош за населението погодено во катастрофалните поплави ќе бидат затворени, а помошта ќе се собира само во пунктовите на Црвениот крст, соопштуваат од Црвениот крст.

– Целата организација околу донациите од денеска ќе ја преземе Црвениот крст. Секој што сака да донира, тоа може да го направи во Момин Поток или училиштето Наум Наумовски Борче, а ние од таму со камиони ќе носиме од куќа до куќа, велат од Црвениот крст.

Помошта од таму активистите на Црвен крст со камиони ќе ја дистрибуираат директно до оние граѓани на кои најмногу им е потребна помош.

На социјалните мрежи постојано се апелира за помошта што е најнеопходна во моментов: гумени чизми, средства за хигиена посебно за дезинфекција, запакувана или конзервирана храна, свеќи, светилки-батерии, алкохол (75 проценти), јод, стерилни завои и гази, гумени медицински ракавици, ножици, сапуни, средство „дезинтал“, тоалетна хартија, хигиенски влошки, пелени за бебиња, средства за чистење, антибактериски марамици и гел за суво миење на рацете, лекови за смирување, за притисок и за стомачен вирус.

Досега вкупно се собрани 139.885 евра од кои 52.308 од Фондот на солидарност  и 87.577 од телефонскиот број за донации.

Жиро сметката на Фонд на солидарноста каде што граѓаните можат да донираат е 300000001327966 ДБ 4030984271620 – Комерцијална банка

Податоци за сите кои сакаат да донираат во странска валута:

NAME OF THE ORGANIZATION: MACEDONIAN RED CROSS

BANK NAME: KOMERCIJALNA BANKA AD SKOPJE

BANK ADDRESS: UL. ORCE NIKOLOV NO.3, 1000 SKOPJE, MACEDONIA

BANK ACCOUNT: 300000000000133 25730522-11

SWIFT CODE: KOBSMK2X

IBAN CODE: MK07300701000001228