Доколку предметите за легализација на објектите на претседателот и на Владата се во процедура, истите се дивоградби, изјави директорот на агенцијата за катастар на недвижности Борис Тунџев во гостување во емисијата Топ тема на Телма.
„Прво, овие два објекта се објекти од посебен карактер, и таму самата постапка за да се изврши предмер и да се запишат е сосема различна од запишувањето на било кој друг објект. Тоа се објекти, резиденцијални објекти на претседателот, на Владата и на државата, и тие се објекти од прва категорија и за нив, колку што го слушнав директорот на општи и заеднички работи господинот Мирчевски дека постапката е завршена“, рече Тунџев.
На прашањето дали објектите на претседателот и премиерот се дивоградби, Тунџев рече доколку предметите се во постапка, тие значи дека се уште не се легализирани.
„Во моментов ние намаме запис. Штом кажа директорот на службата на општи и заеднички работи дека е во постапка, треба да ги достават документите“, рече Тунџев.