Двете опозициски партии соопштија дека се против воениот удар кој се случи доцна вечерта на 15 јули од страна на група од армијата, пренесе весникот „Хуриет“.
„Оваа држава страдаше многу од ваквите удари. Не сакаме тие потешкотии да се повторат„, рече Ќемал Диричдароглу, лидер на Републичката народна партија во писмена изјава. Тој истакна дека секогаш ќе стои на страната на Републиката и демократијата и дека „неговата партија целосно зависи од волјата на граѓаните како неопходен инструмен на парламентарната демократија“.
Лидерот на Националното народно движење Девлет Бахчели рече дека тој му телефониран на премиерот по веста за ударот изразувајќи поддршка за слободната волја на граѓаните.
„Повеќето од луѓето седат дома исплашени, некои се на улиците да слават, а други да протестираат, армијата и полицијата се судрија, комплетен хаос во Турција“, напиша граѓанската активистка Елчин Чавлан од Анкара на својот фејсбук профил.
Овој нејзин пост кусо и прецизно го опишува не само хаосот туку и поделената Турција. Медиумите известуваат за тензии на улиците на Анкара и Турција. Последните вести се дека има судири помеѓу полицијата и армијата, како и помеѓу граѓаните кои поддржуваат една или друга страна. Исто така, еден од воените хеликоптери час по полноќ на 16 јули беше соборен. Со исклучок на протокларните изјави за загриженост за ситуацијата, Вашингтон засега е тивок.