Published: Monday, August 15, 2016 11:55
Турската полиција утрово влезе во три суда во Истанбул во потрага по повеќе од 170 осомничени за несупешен обид за воениот пуч, наведуваат турските медиуми.
Полицијата почна претреси во главниот градски суд Чаглајан и во уште два суда, при што има налог за апсење на 173 обвинители и други вработени од судската администрација.
Обвинетите се осомничени за поврзаност со свештеникот Фетула Ѓулен, кого Анкара го обвинува дека стои зад неуспешниот обид за воен пуч во Турција, кој беше изведен на 15 јули.
Не е познато колку осомничени се задржани во притвор во текот на рацијата.
Повеќе од 35.000 лица досега се уапсени во текот на рацијата по обидот за пуч, а 11.597 се уште се во притвор.