Турција добила само 790 милиони евра од ветените три милијарди евра што ѝ ги вети Европската Унија, во рамки на договорот за ограничување на приливот на емигранти од Турција кон земјите од ЕУ, изјави портпаролот на турскиот претседател Ибрахим Калин.
На конференција за новинарите Калин рече дека односите меѓу Анкара и Брисел би можеле да се вратат на „стариот колосек“ доколку ЕУ ги исполни условите од постигнатиот договор.
Турскиот претседател Реџеп Таип Ердоган обвини некои европски земји, пред сѐ Германија и Холандија, дека се служат со тактики слични на нацистичките бидејќи им забранија на турски министри митинзи на кои сакаа турските иселеници да ги мотивираат да гласаат за поголеми овластувања на турскиот претседател.