Две лица загинаа во тепачка што се случи на избирачко место во провинцијата Дијарбакир, на југоисток во Турција, пренесоа турските медиуми. До инцидентот меѓу две семејства дошло во едно селско училиште каде луѓето гласале на денешниот референдум за уставните промени, јави агенцијата Анадолија.
За сега не е позната причината за пресметката, но агенцијата Доган, наведува дека поводот бил „несогласување во политичките ставови“.
Повеќе од 55 милиони жители на Турција со право на глас ќе се изјаснат денеска на референдумот за измени на Уставот, кој меѓу другото, предлага пошироки овластувања на претседателот на државата.
Ако уставните промени бидат одобрени на референдумот, местото на премиерот ќе биде укинато во корист на претседателот на државата.