Турција потврди денеска дека нема да испрати политички претставник во Брисел на меѓународната конференција за иднината на Сирија.
Дипломатски неименувани извори потврдија дека Анкара нема да испрати претставник на конференцијата, пренесува БТА.
Изворите наведоа дека оваа одлука е донесена поради „недостаток на задоволителни одговори од организаторите за формата на средбата и нивото на учество.
Турското Министерство за надворешни работи не даде коментар по ова прашање.
На конференцијата, каде се поканети над 70 земји и меѓународни организации ќе биде разгледано како да биде исполнета одлуката за помошта од 12 милијарди долари, што беше донесена на хуманитарната конференција во Лондон во февруари 2016 година.
Утре ќе се одржи пленарна седница каде ќе учествуваат високата претставничка за надворешна политика и безбедност Федерика Могерини и генералниот секретар на ОН Антонио Гутереш.