Дезмонд Туту остро ја критикуваше Аунг Сан Су Кју и побара од неа да интервенира во кризата во Мјанмар и да го заштити муслиманското малцинство кое е прогонувано од безбедносните сили на оваа земја.
Јужно-африканскиот архиепископ и добитник, во 1991 година, на Нобеловата награда за мир тоа го побара од жената што го води Мјанмар но исто така добитник на оваа престижна награда.
Аунг Сан Су Кју е цел на се повеќе критики што доаѓаат од целиот свет поради тоа што таа одбива да го осуди ова насилство и да го заштити сопственото население.
Во изминатите две недели околу 164.000 лица, припадници на муслиманското малцинство Рохинга, бегаат од насилствата на безбедносните сили на Мјанмар и одат во Бангладеш.
“Сега сум стар, немоќен и официјално во пензија но мојата огромна тага поради очајната ситуација на овие луѓе ме натера да излезам од ветениот молк”, и напиша Туту на Аунг Сан Су Кју.
Потоа тој додава:
“Ако политичката цена за вашето политичко напредување во Мјанмар е вашето молчење, тогаш таа цена е превисока (…). За еден симбол на правдата како што сте вие, не е достојно на овој начин да ја водите земјата. Во нашите молитви посакуваме уште еднаш да покажете храброст. Во нашите молитви посакуваме да зборувате во името на правдата и човековите права. Во нашите молитви посакуваме вие интервенирате во оваа криза што се влошува”, напиша Туту во писмото.
Во една прилика тој изјави дека фотографијата на Аунг Сан Су Кју стои на неговата работна маса.
Дезмонд Туту е борец за човекови и социјални права. Тој е првиот црн архиепископ во Јужна Африка а во 1984 година ја доби Нобеловата награда за мир поради неговиот ангажман во борбата против апратхејдот во Јужна Африка.
Аунг Сан Су Кју e министер за надворешни работи на Мјанман, специјален државен советник и портпарол на претседателството. Нејзината партија победи на последните избори но таа не можеше да стана шеф на државата поради уставни одредби. Но со нејзината денешна позиција таа е всушност е шеф на државата. Мјанмар влезе во демократска транзиција по долги години воена диктатура но владата во која учествува Аунг Сан Су Кју се соочува со армијата што е се уште многу моќна.
Аунг Сан Су Кју е предмет на остри критики низ целиот свет поради нејзината пасивност и одбивањето да признае дека армијата на Мјанмар спроведува етничко чистење на муслиманското малцинство Рохинга. Од сите страни на светот доаѓаат повици да и се одземе Нобеловата награда поради нејзиното молчење во ова насилство.