Полицијата во Шпанија го уапси каталонскиот министер за економија, Јосеп Марија Жове, по претресот во потрага по документи поврзани со референдумот за независност на Каталонија, објавија локалните медиуми.
Жове, кој е висок член на политичката партија Републиканска левица на Каталонија, беше уапсен по утринската рација што ја спроведе шпанската Граѓанска гарда, која има надлежност и во Министерството за внатрешни работи и во Министерството за одбрана.
Во септември, каталонскиот Парламент усвои закон со кој го отвори патот за референдум за независност, кој ќе се одржи на 1 октомври.
Сепак, шпанската влада го смета референдумот за незаконски и го суспендираше гласањето во очекување на одлука од Уставниот суд.
Каталонија веќе одржа референдум за независност во 2014 година, во кој 80 отсто од гласачите избраа независност.
Меѓутоа за Мадрид, референдумот беше неуставен.