Грчката полиција уапси тројца државјани на Пакистан, кои се обвинети дека во еден магацин во предградие на Солун како заложници држеле 21 илегален мигрант, од кои барале пари за нивно ослободување.
Пронајдените мигранти, од кои 13 Еритрејци, седуммина Пакистанци и едно лице од Мјанмар, во Грција пристигнале илегално во средата од Турција, по што биле пречекани од криумчарите, кои ги однеле во магацинот кај Солун, каде ги задржале како заложници.
Според грчката полиција уапсените за ослободување од секој мигрант барале да им плати по 2.500 евра.
Полицијата трага по уште едно лице поврзано со тројцата уапсени, кое пред полициската акција со автомобил, со уште петмина мигранти од Пакистан се упатило од Солун кон Атина.
Кога полициксата патрола го забележала возилото, возачот го оставил на автопатот и побегнал во непознат правец.
Полицијата во возилото ги пронашла петмината мигранти од Пакистан.