Сирискиот радио-водител Раед ал Фареш кој преку сатира ги критикуваше и претседател Башар ал Асад и опозициските бунтовници, како и ИСИС, е застрелан во провинцијата Илилиб, која се наоѓаше под контрола на бунтовниците во Сирија, соопшти вчера сириската асоцијација за новинари.
Раед Ал Фареш и уште еден активист и новинар Хамуд Хунаид, се убиени во петокот во градот Кафр Набл од екстремистички групи, објави новинарското здружение.
-И двајцата убиени беа пионери на граѓанското општество и го донесоа слободниот глас до светот преку познатите симболи на Кафр Набл, се вели во соопштението од здружението.
Сириската опсерваторија за човекови права, соопшти дека неидентификуваните вооружени лица го убиле Фареш и Хунаид во Кафр Набл, каде што се наоѓа нивната радиостаница Радио Фреш, финансирана од САД.
Досега ниту една група не ја презеде одговорноста за убиствата.
Фарес во 2013 година го основа Радио Фреш за да објавува вести за конфликтот во Сирија, посебно во северните провинции. Тој продолжи додека САД не ги ускрати средствата за бунтовниците, вклучувајќи ги и оние за радиото, во јуни.
За него радиото беше начин за влијание во јавноста за идеите за кои се залагал, вклучувајќи ја и социјалната правда и демократијата.
Фареш, кој беше роден во 1972 година, честопати повика на протести, но истакна дека треба да бидат мирни.
Тој беше познат по познати протестни транспаренти на англиски јазик во Идлиб.
Како што напредувашт сириската војна, Фареш тајно сними и објави снимки што ги прикажуваат страдањата на луѓето во Кафр Набл.
Во 2014 година тој бил застрелан во градите од страна на ИСИС и неколку пати бил киднапиран и измачуван.
Во заедничката објава на Фејсбук, Џим Џефри, специјалниот претставник на државниот секретар на САД за Сирија и Џоел Рајберн, заменик-помошник државен секретар на САД и специјален претставник за Сирија, истакнуваат дека двајцата активисти “биле херои”.
-Тие беа патриоти и активисти кои ги посветија своите животи на градење на подобра иднина за Сирија и сирискиот народ. Како симболи на сириската револуција и на најдоброто од младите за Сирија, тие беа меѓу првите револуционери кои својата креативност и вештини ги користеа за да им служат на својот народ и на нацијата, се вели во објавата.
Стејт департментот, исто така, објави изјава во која се вели дека двајцата “никогаш не се поколебале да ја кажат вистината која ги поддржува првичните вредности на револуцијата”.
-Сиријците и светот секогаш ќе се сеќаваат на познатите знаци на Раед во Кафр Навел, а снимките на Хамуд засекогаш ќе служат како сведоштво за злосторствата што сирискиот режим ги изврши против сирискиот народ, се вели во соопштението на Стејт департментот.
Од почетокот на сириската револуција во 2011 година, стотици илјади Сиријци се убиени, вклучувајќи десетици активисти.