Националната полиција на Украина соопшти дека го врати  предградието на Киев, Ирпин, чиј голем дел беше окупиран од руските сили, јави Си-Ен-Ен.

Ихор Клименко, шеф на Националната полиција на Украина, на Фејсбук изјави дека „полицијата продолжува со работа во Ирпин! Војниците на специјалниот полициски полк во регионот на Киев се подготвени да ги извршуваат своите полициски функции во овој град“.

„Областа се расчистува од диверзанти, но главната задача сега е да им се помогне на цивилите и да се евакуираат оние кои се уште се во Ирпин“, додаде Клименко.

Ирпин е северозападно од Киев и имаше неколку недели жестоки борби и тешко гранатирање.

„Специјалните сили тесно соработуваат со украинските воени единици и помагаат во обновувањето на работата на локалните власти во градот“, рече тој.

Клименко додаде: „Руските окупатори продолжуваат безмилосно да го гранатираат Ирпин“, што е пак знак дека тие продолжуваат да држат територија северно од предградието.