Министерството за надворешни работи на Украина ги сумираше резултатите од воената дипломатија во 2022-2023 година, клучните резултати од дипломатските напори и настаните на дипломатскиот пат на Украина од почетокот на инвазијата од големи размери.
„Украина одново ја измисли дипломатијата“, рече германската министерка за надворешни работи Аналена Бербок на Конференцијата на амбасадорите на Украина на 22 декември 2022 година. Овие зборови значат дека за време на војната од големи размери, украинските дипломати работат во посебен режим на воена дипломатија.
Предизвиците на војната бараат од дипломатијата особено интензивна работа и нови методи за постигнување на резултати. Затоа, украинската дипломатија ги преиспита правилата на игра, кои ја движат земјата кон целта – победа над непријателот во борбата за правда и човечки животи.
И покрај сите тешкотии, Украина, заедно со своите партнери, изгради глобална коалиција за нејзината поддршка во спротивставувањето на руската агресија, привлече и продолжува да привлекува невиден обем на воена помош од партнерите, самоуверено се движи кон пристапување во ЕУ, ја поддржува светската безбедност на храната, го зголемува санкциониот притисок и изолацијата на државата агресор, се бори за правда.
Дури и во време на војна од големи размери, отвораме нови хоризонти во светот за украинската држава, бизнисот и граѓаните, го прошируваме дипломатското присуство и привлекуваме инвестиции за развој на нашата земја.
Нашиот тим му благодари на секој вработен и вработена во дипломатската служба на Украина чија работа придонесува за постигнување на овие важни резултати. Благодарни сме им исто така и на меѓународните партнери за поддршката што ја даваат. Им благодариме на сите Украинци, благодарение на кои гласот на Украина се слуша во светот, а странските партнери спроведуваат важни одлуки за нашата земја.
Дознајте повеќе за украинската воена дипломатија за време на руската агресија од големи размери на следниот линк: https://wartimediplomacy.mfa.gov.ua
Подготви: Д. Мишев / Цивил Медиа