Ударот предизвикал пожар што се проширил на површина од околу 1.000 квадратни метри.
Украинскиот Генералштаб на вооружените сили објави дека го погодиле рускиот аеродром Мајкоп во Адигеја. Покрај тоа, погодена е и фабрика во рамките на воено-индустрискиот комплекс во Брјанск.
Штабот објави дека е погодена главната производствена зграда, каде што се произведуваат интегрирани кола за разни видови балистички, крстосувачки и противвоздушни ракети. Ударот предизвикал пожар што се проширил на површина од околу 1.000 квадратни метри, а потоа бил оштетен и покривот на зградата.
Погоден е и магацин за компоненти што се користат во производството на микрочипови. Пожарот се проширил на површина од околу 400 квадратни метри. Производството во фабриката било запрено околу шест месеци, пишува „Украинска правда“.
Аеродромот што бил погоден служи како центар за обука на военото воздухопловство. Според информациите од Украина, Русите активно го користат за оперативно-тактичко воздухопловство.
Покрај повеќе локации низ Русија, украинските сили нападнаа руски системи за воздушна одбрана: радарската станица Небо-У во Крим и радарската компонента на системот С-300 во регионот Донецк, каде што беше погодена база што се користи за складирање, подготовка и лансирање беспилотни летала „Шехид“.