Унгарија го усвои законот со кој би можело да дојде до затворање на Универзитетот на Средна Европа, кој во 1991 година во Будимпешта го основаше американскиот милијардер Џорџ Сорос.
Новиот закон, претставен на 28 март во парламентот, е усвоен по брза постапка со 123 гласа „ЗА“ и 38 „ПРОТИВ“.
Со законот се предвидува одземање на дозволата на странски образовни институции кои, освен во Унгарија, не располагаат располагаат со кампус во земјата на потекло. Универзитетот кој делува само во Будимпешта е единствен кој нема кампус на друго место.
Одредбата од законот посебно се однесува на ЦЕУ, образовна институција основана во Унгарија набрзо по падот на комунизмот, која промовира добро владеење, траен развој и општестена преобразба.
Орбан, жесток критичар на либералните цивилни организации кој ги финансира Сорос, го обвини Универзитетот дека го „измамува“ унгарскиот закон.
Обраќајќи се во парламентот пред гласањето, министерот за човечки потенцијал, рече дека институциите кои ги поддржува Сорос настојуваат да ја поткопаат унгарската влада избегнувајќи ги демократските правила.
Во неделата околу 10.000 луѓе протестираа во знак на поддршка на установата, а најавени се и нови протести. ЦЕУ има 1.800 запишани студенти од 100 земји. Се вбројува меѓу 50 најдобри универзитети за политички науки во светот, според критериумите на World University Rankings.
Повеќе од 900 универзитети ширум светот, меѓу кои 18 добитници на Нобелова награда, ја потпишаа петицијата со која се бараше повлекување на законот, што ја поддржа и Вашингтон.