Доколку на хуманитарните организации не им се даде безусловен пристап за да го спречат ширењето на колера на Јемен повторно и се заканува нова епидемија, предупреди Детскиот фонд на ОН (УНИЦЕФ).

Иако бројот на сомнителни случаи на колера се намали последниве месеци, минатата година болеста се прошири во Јемен и зафати еден милион луѓе.

-Од почетокот на граѓанската војна во 2015 година, бројот на сиромашните деца во Јемен е зголемен двојно, а уште половина милион деца веќе не одат на училиште, изјави Герт Капеларе, регионален директор на Агенцијата за Блискиот Исток и Северна Африка.

Капеларе на прес-конференцијата во главниот град на Јордан, Аман предупреди дека колерата ќе се врати затоа што за неколку недели започнува дождовната сезона, и без огромна инвестиција таа ќе го нападне јеменското население,а најмногу загрозени се децата.

Регионалниот директор изјави дека двете страни во војната – владините сили, поддржани од Саудиска Арабија и бунтовниците, поддржани од Иран – го блокирале или одложиле снабдувањето со хуманитарна помош, вклучувајќи опрема за соларна енергија и гориво потребни за подобрување на пристапот до чиста вода.

Капеларе истакна дека во преговори за хуманитарна набавка,се потрошени време, енергија и пари, а вакви преговори
воопшто не би требало ни да се водат, затоа што станува збор за основни егзистенцијални потреби.