Заврши рокот за поднесување тужби до Управниот суд за одлуките на Државната изборна комисија во врска со изборниот процес и гласањето од 11 декември.
Рокот за поднесување жалби за одбиените преговори на Беса и на СДСМ истече синоќа во 23 часот, а крајниот рок за обжалување на единствениот прифатен приговор за кој се правеше графолошко вештачење на гласач од Гостивар истече утрово во 7 часот.
Судот сега има рок од 48 часа по примањето на тужбите да одлучува по нив, а одлуката треба во рок од 24 часа да ја објави на веб-страницата.
СДСМ најави тека ќе поднесе четири тужби за во шестата изборна единица додека Беса се изјасни дека нема да се жали.
– Не им веруваме на судовите. Доколку поднесеме тужба, и Управниот суд ќе донесе политичка одлука каква што донесе ДИК, кога отфрли седум наши приговори. Ние веруваме дека ни се украдени два пратенички мандати, изјави Блерим Сејдиу од Беса.
Од ВМРО ДПМНЕ вчера преку соопштение информираа дека поднеле една тужба до Управниот суд за одлуката на ДИК да се уважи приговорот од БЕСА, за поништување на резултатите од гласањето во ИЕ 6 во Гостивар.
Лидерот на партијата, Никола Груевски, во остар и закануваќки говор во саботата пред ДИК најави дека нема да учествува во евентуалното прегласување и дека нема да ги признае изборните резултати.
По тужбите Управниот суд одлучува во совет од петмина судии, избрани по пат на ждрепка, на јавна седница, за која ги информира јавноста и овластените претставници по чии тужби се одлучува. Објавените одлуки на веб-страницата на ДИК, како што е наведено во роковникот на Комисијата, ќе го содржат и начинот на гласање на секој судија поединечно.