Главниот окружен суд на Сеул денеска ја осуди поранешната јужнокорејска претседателка Парк Гуен-хје на уште осум години затвор за злоупотреба на владини фондови и за мешање во парламентарните избори во 2016 година.
Друг јужнокорејски суд во април годинава веќе ја осуди Парк на 24 години затвор врз основа на неколку обвиненија кои вклучуваа примање мито, злоупотреба на службена позиција и вршење присила.
Со денешната пресуда Парк е обвинета дека заедно со своите соработници му нанела штети на владиниот фонд на разузнавачката служба од вкупно 30 милијарди вони (22,72 милиони евра).
Покрај ова, 66-годишната Парк е прогласена и за виновна поради мешање при изборот на кандидати за пратеници на нејзината тогаш владејачка конзерватива Партија на слободна Кореја за парламентарните избори пред две години.
Парк, кој од своја страна ги отфрла сите обвинувања за незаконски активности, не присуствуваше на денешното изрекување на пресудата.