Уставните судии денеска ја одложија точката за разгледување на иницијативата за уставноста и законитоста на контроверзниот член 175 од Законот за електронски комуникации, за една од наредните две седници.
Како што истакнаа судиите на денешната седница, причината за одложувањето е обемноста на материјалот кој бил предложен со иницијативата.
Со овој член од Законот донесен во 2014 година, на телекомуникациските оператори во Македонија им се наложи да ги обезбедат сите неопходни технички услови за следење на комуникациите во нивните мрежи.
Иницијативата за разгледување на уставноста и законитоста на овој член во Уставен е поднесена во 2015 година, односно истата година кога СДСМ почна со објавување на разговори од незаконското следење на комуникациите, односно т.н. „бомби“.
Иницијативата до Уставен суд е поднесена во 2015 година.
Во иницијативата оспорен е целиот член 175, односно сите 10 става од него.
Инаку, членот 175 од Законот за електронски комуникации (објавен во „Службен весник“ на 25 февруари 2014 година) вели дека операторите се должни да ги обезбедат техничките услови за следење на комуникациите во нивните мрежи, во согласност со Законот за следење на комуникациите.
Иницијативата за укинување на овој член е граѓанска, а подносителите се повикуваа на одлука на Уставниот суд од 2010 година, во која одредбите од законот кои овозможуваат непречен, директен и неконтролиран пристап до телекомуникациските мрежи на овластени органи, според подносителите не со во согласност со Уставот и меѓународните прописи, кои се однесуваат на заштита на правата на граѓаните.