На 24 февруари 2026 година, вторник, со почеток во 17 часот, четири години по започнувањето на целосната воена агресија на Русија врз Украина, ЦИВИЛ – Центар за слобода ќе организира меѓународна онлајн конференција со наслов Четири години агресија: Отпорот на Украина и одговорноста на светот, која ќе обедини аналитичари, новинари, дипломати, носители на политики и претставници на граѓанското општество од Европа и пошироко.
Конференцијата ќе се емитува на живо на Јутуб каналот на ЦИВИЛ, како и на Фејсбук страницата на организацијата. Во текот на конференцијата, заеинтересираните ќе имаат можност да коментираат или да поставуваат прашања за учесниците онлајн, во коментари или пораки на ФБ или Јутуб.
Организацијата-домаќини на настанот е ЦИВИЛ, а програмата ќе ја водат поранешниот британски пратеник и директор на Вестминстерската алијанса за Украина, Роџер Касале, претседателот на Медиа Диалог од Германија, д-р Волфганг Ресман и претседателот на ЦИВИЛ – Центар за слобода, Џабир Дерала.
На конференцијата ќе говорат експерти, медиумски професионалци, дипломати и претставници на граѓанското општество од Украина, Германија, Велика Британија, Италија, Франција, Литванија, САД, и Северна Македонија.
По претходно барање, претставник на ЦИВИЛ ќе биде на располагање пред седиштето на ЦИВИЛ за изјави за медиумите од 12 до 13 часот в понеделник, 23 февруари.
Конференцијата се одржува во рамките на Глобалната иницијатива за одбрана на демократијата (DDGI), како дел од нејзината водечка програма Вестминстерска алијанса за Украина (Westminster Alliance for Ukraine WA4U), и е координирана од ЦИВИЛ – Центар за слобода. Независната медиумска платформа на ЦИВИЛ ќе го организира и пренесува настанот во живо, обезбедувајќи отворен меѓународен пристап и континуирана јавна вклученост пред и по конференцијата.
Иницијативата се реализира во соработка со European Youth4Media Network / Media Dialogue и New European People’s Forum (Германија), Jean Monnet Association (Франција) и Centro Studi Internazionali (Италија). Организаторите изразуваат благодарност до Украинско-британскиот бизнис совет за поддршката во промоцијата на настанот.