Утре (четврток), на иницијатива на активистката за права на животните, Адриана Попович, ќе се одржи хуманитарна акција за обезбедување/правење привремени засолништа за бездомни животни.
– Екстремно ниските температури негативно влијаат на луѓето, но се фатални кај уличните животинки. Ние не зависиме од нив, но тие целосно зависат од нас. Секојдневно гледаме слики и објави за кучиња и мачиња кои се надвор и се борат за живот, но за жал ретко кој реагира повеќе од лајк, коментар или споделување. Ако чекаше знак, ова е тоа. Вистинска промена е иницијативата, не пасивното набљудување, се вели во повикот на Анима Мунди.
Од 17:00 до 18:00 во Јавна Соба се изработуваат куќарки од стиропор и слама.
Од 18:00 куќарките ќе се поставуваат на различни локации низ градот.
Помошта може да биде и парична со донирање на Анима Мунди:
Денарска сметка: 240090002006130
Депонент: Уни Банка АД – Скопје со назнака „ЗА ТОПОЛ ДОМ“
Во Јавна соба ќе има и кутија со донации од 17-18:00, а средствата ќе се користат за подметачи, храна и основни намирници за оние кои веќе згрижиле или ќе згрижат животинче, макар и привремено од студов.
Тимот на Нептун ќе снабдат стиропор и кутии.