Published: Monday, May 14, 2018 10:03
ВМРО ДПМНЕ смета дека утрешното планирано задолжување на Владата за нови 16 милиони евра, е „уште еден показател дека оваа Влада на СДСМ нема капацитет да ја води државата“.
-За првите 3 месеци во оваа година, државата е задолжена за нови 300 милиони евра. За само 2 недели СДСМ ја задолжи државата и граѓаните за над 25 милиони евра. Психолошката граница на јавниот долг од 5 милијарди евра е помината, велат од ВМРО ДПМНЕ.
Од опозицијата укажуваат дека во државата секојдневно има „нерационални задолжувања“, а нема нови проекти, нови инвестиции, нови работни места, повисоки плати, пензии и стипендии, болници, градинки, училишта и студентски домови и инфраструктурни проекти.