Жителите на Ѓорче Петров на социјалната мрежа „Фејсбук“ за утре најавија протест за безбедност на децата кои учат во основното училиште Мирче Ацев. Планирано е протестот да се одржи на 2 октомври 2017 година (понеделник) со времетраење од 17.30 часот до 19 часот на 4ти Јули / Борис Сарафов пред ОУ Мирче Ацев.
„Заедно со Советот на Родители од ОУ Мирче Ацев организираме протест за безбедност на децата затоа што мора да се комплетираат безбедносните мерки кои се прифатени од Град Скопје во Октомври 2016 година за безбедност на 4ти Јули/ Борис Сарафов“, пишува во најавата за протестот.
Порталот СДК.мк денеска објави дека откако најавата за протест била објавена на социјалните мрежи, екипите на ЈП„Улици и патишта“ по налог на Град Скопје уште рано утрово почнаа со поставување на семафор пред училиштето Мирче Ацев, лежечки полицајци долж улицата Борис Сарафов и сообраќајни знаци за максимална брзина на возење од 30 километри на час.