Published: Monday, May 28, 2018 13:09
На годишнината од изборот од Владата, Зоран Заев ќе ја брани реконструкцијата. Седницата за избор на новите членови е закажана за в петок.
Претходниот ден, во четврток пак пратениците ќе поставуваат пратенички прашања. Иако најавувана како темелна, реконструкцијата на владиниот кабинет на Зоран Заев се сведе на ротација на министерствата за правда и образование меѓу СДСМ и ДУИ, како и влез на скопското крило на БЕСА во култура и ДПА во министерството без ресор, задолжено за привлекување странски инвестиции.
Нови министри се Асаф Адеми за култура, Бардуљ Даути министер без ресор, Рената Дескоска за правда и Арбр Адеми за образование.
Новини има и во заменичките министерски места, согласно проширувањето на мнозинството.