Прва доза на вакцина против ковид-19 во Врање досега примиле 10.390 македонски граѓани, а ревакцинирани се 4.179 наши државјани, јави дописникот на МИА од Белград. Според податоците на сајтот на Здравствениот центар во Врање, вкупниот број на дадени прва и втора доза на сите достапни вакцини до 2 јули изнесува 68.548.
Од нив, бројот на вакцинирани граѓани на Србија со првата доза е 27.291, бројот на вакцинирани граѓани на Македонија е 10.390, додека бројот на вакцинирани граѓани на БиХ е пет граѓани.
Бројот на вакцинирани граѓани на Србија со втора доза е 26.678, бројот на граѓани на Македонија кои се вакцинирале со втората доза изнесува 4.179 и пет државјани на БиХ.
Најголем број македонски граѓани во Врање се вакцинирале со кинеската вакцина „Синофарм“, додека помал број ја добиле вакцината на „Фајзер“.