Како резултат на забрзаното ширење на делта сојот на коронавирусот,Јапонија воведе рестриктивни мерки уште во 8 префектури. Не е ништо подобра состојбата во Индија каде моменталниот број на заразени изнесува 42.000. Натаму следува Бразил која во глобални рамки се позиционира на второ место по бројот на смртни случаи кој достигна над половина милион од почетокот на пандемијата.

Во австралиската држава Нов Јужен Велс, црн ден кога станува збор за Ковид19,  пет луѓе починаа во Сиднеј, четворица од нив не биле вакцинирани. Расте и бројот на заразени, 260 се регистрирани во последните 24 часа.

Ситуацијата,како што напишавме и погоре  се влошува и во Јапонија. Во Токио, регистрирани се 5.000 нови инфекции само за еден ден.

Како што е објавено во сублиматот на РТС, Во Шпанија властите на островот Ибица ангажираат дури и приватни детективи кои се преправаат дека се туристи а имаат задача да запрат илегални забави. Многу познати ноќни клубови се затворени, а баровите и рестораните можат да работат до 1 часот наутро, со примена на рестриктивни мерки. Сепак најголем проблем на властите им задаваат забавите кои се организираат во големи приватни куќи.

Ибица е остров познат по својот ноќен живот и забава. Овој месец ќе биде дозволено присуство на навивачи на спортски настани, со максимален капацитет од 40 проценти на отворени стадиони или 30 проценти во спортски сали, најави министерот за здравство на Шпанија.

Панамериканската здравствена организација предупредува дека бројот на пациенти се шири побрзо во јужните и источните делови на Соединетите држави и централно Мексико. Нема докази дека вирусот на делта е поопасен од другите, рече директорот на таа организација, а ламбда варијантата на вирусот се јавува спорадично во Латинска Америка.

“За само една недела, регистрирани се повеќе од 1.200.000 случаи на вирус и 20.000 смртни случаи на американскиот континент. Инфекцијата особено брзо се шири во Северна Америка, во оние делови каде што стапката на вакцинација е ниска. Зголемување на бројот на случаи се регистрирани во Куба, земјите на Карибите “, вели д -р Кариса Етиен, директор на ПАХО.

Во Обединетото Кралство, кое има најмногу имунизирани граѓани во Европа, на младите луѓе на возраст од 16 и 17 години им се дава можност да ја примат првата доза од вакцината Фајзер.

Премиерот Борис Џонсон вели дека разбира дека луѓето копнеат по летни одмори во странство и оцени дека брзата кампања за вакцинација им овозможува на Британците да заминат на одмор во Европската унија.

Фајзер ќе бара од сите свои вработени во САД да се вакцинираат или тестираат секоја недела.

И во Русија, вакцината Спутник лајт покажува висока стапка на ефикасност во комбинација со вакцините Астра-Зенека, Синофарм и Модерна, особено во Аргентина, соопшти рускиот фонд за директни инвестиции, кој ја направи оваа вакцина.