Американската Агенција за храна и лекови ( ФДА) ги одобри бустерите на вакцините Модерна и Џонсон & Џонсон и исто така дозволи стратегија за нивно комбинирање и усогласување на дозите.

Со ваквата стратегија , на лекарите ќе им биде овозможено како бустер-вакцини да користат вакцини различни од оние кои пациентот првично ги примил.  Регулаторите не препорачаа  конкретно дали бустер да се користи од вакцината која првично се ставила или подобро е како бустер да се користи вакцина различна од прво-аплицираните.

Утре, советодавниот панел за вакцини на Си Ди Си треба да издаде препораки за Модерна  и Џонсон & Џонсон  како засилувачи, а се очекува да даде насоки за  користење и  на друга вакцина како бустер.

Агенцијата за храна  и лекови оди со оваа  препорака  за  примачите на Модерна како бустер, да се даде половина доза од вакцината  најмалку шест месеци по примената втора доза. Модерна бустерот  се препорачува на лица над 65 години , како и помлади возрасни лица со висок ризик од тешка ковид-19 зараза  во зависност од изложеноста на работното место и условите  за работа. Критериумите се идентични како и за бустерот на Фајзер. Иако (ФДА) го одобри бустерот и за Џонсон & Џонсон сепак е претпазлива бидејќи истражувањата биле направени на многу мал примерок од само 17 луѓе, објавува самата компанија. Но и покрај ваквата објава, сепак (ФДА) го одобри бустерот на Џонсон & Џонсон поради можноста за мешање , но и поради можноста бустерот на Фајзер и на Модерна повеќе да се бира од страна на граѓаните поради повисокото ниво на заштита што го имаат.

Регулаторите беа заинтересирани да ги рационализираат препораките за да избегнат забуна во јавноста. Д -р Питер Маркс, главен регулатор за вакцини на (ФДА), се залага за „усогласен пристап“ за сите три вакцини.

Следната недела, независниот комитет за вакцини на ФДА треба да разгледа дали вакцината на Фајзер треба да биде овластена за деца на возраст од 5 до 11 години – и одлуката може да следи во наредните недели. Подоцна оваа есен, регулаторите, исто така, може да бараат да се намали возрасната граница за примање на бустер доза од вакцините против ковид-19.